मिनि ट्रक दुर्घटना हुँदा सहचालकको मृत्यु

कास्की । कास्कीमा मिनि ट्रक दुर्घटना हुँदा सहचालकको मृत्यु भएको छ ।

रूपा गाउँपालिका–३ ताकान्जास्थित सडकमा पैचोकबाट ताकान्जातर्फ जाँदै गरेको ग.१ क ३३६१ नम्बरको मिनि ट्रक अनियन्त्रित भई आइतबार बेलुकी दुर्घटना हुँदा सहचालकको मृत्यु भएको छ ।

मृत्यु हुनेमा सोही गाउँपालिका–१ शास्त्री बस्ने १९ वर्षीय सुनिल विक रहेका छन् । दुर्घटनामा गम्भीर घाइते भएका उनको पश्‍चिम क्षेत्रीय अस्पतालमा उपचारको क्रममा मृत्यु भएको हो ।

प्रहरीले मिनि ट्रक चालकलाई नियन्त्रणमा लिई दुर्घटनाका सम्बन्धमा आवश्यक अनुसन्धान गरिरहेको छ ।