पहिरोले पुरिँदा बालकको मृत्यु, बुबा घाइते

सुर्खेत । जाजरकोटमा पहिरोले घर भत्किँदा एक बालकको मृत्यु भएको छ ।

भेरी नगरपालिका–५, ईब्रा गाउँका ६ वर्षीय प्रिन्स विकको मृत्यु भएको छ भने उनका बुबा रमेश विक घाइते भएका छन् ।

आज बिहान घर भन्दा पछाडिबाट आएको पहिरोले घर भत्किँदा पहिरोले घरमै च्याँपिएर प्रिन्सको घटनास्थलमै निधन भएको हो । घाइते रमेशको जिल्ला अस्पतालमा उपचार भइरहेको प्रहरीले जनाएको छ।