लागुऔषधसहित तीनजना पक्राउ

काठमाडौं । कपिलवस्तु र झापाबाट अवैध लागुऔषधसहित तीनजना पक्राउ परेका छन् ।

कपिलवस्तुको बाणगंगा नगरपालिका–८ लौगाईस्थित बोड्गाउँ डिजि फेन्सीबाट अवैध लागुऔषध ब्राउनसुगर जस्तो देखिने पदार्थ २ ग्राम २ सय मिलिग्रामसहित एकजना पक्राउ परेका छन् । पक्राउ पर्नेमा सोही ठाउँ बस्ने २१ वर्षीय नबिन बेलबासे रहेका छन् । इलाका प्रहरी कार्यालय पिपराबाट खटिएको प्रहरीले उनलाई सोमबार दिउँसो पक्राउ गरेको हो ।

यसैगरी झापाको मेचिनगर नगरपालिका–६ स्थित पुरानो मेचीपुलबाट अवैध लागुऔषध खैरो हेरोइन जस्तो देखिने पदार्थ ४ ग्रामसहित २ जनालाई सोमबार राति प्रहरीले पक्राउ गरेको छ । पक्राउ पर्नेहरूमा विर्तामोड नगरपालिका–७ बस्ने ३३ वर्षीय सुरज लामा र विर्तामोड नगरपालिका–५ बस्ने २२ वर्षीय बिजय मगर रहेका छन् । लागुऔषध नियन्त्रण ब्यूरो काँकरभिट्टा र इलाका प्रहरी कार्यालय काँकरभिट्टाबाट खटिएको प्रहरी टोलीले भारतबाट नेपालतर्फ आउँदै गरेको को.२५ प २४४५ नम्बरको स्कुटरमा सवार उनीहरूलाई उक्त पदार्थसहित पक्राउ गरेको हो ।

यस सम्बन्धमा प्रहरीले आवश्यक अनुसन्धान गरिरहेको छ ।