राप्ती नदीमा फसेका दुई जनाको उद्धार, एकजना बेपत्ता

काठमाडौं । लगातार वर्षाको कारण दाङको राप्ती नदीमा आएको बाढीमा फसेकामध्ये दुई जनाको सकुशल उद्धार गरिएको छ भने एकजना बेपत्ता भएका छन् ।

लमही नगरपालिका–७ हस्नापुरस्थित राप्ती नदीको बाढीमा फसेकामध्ये दुई जनाको सकुशल उद्धार गरिएको दाङको प्रहरीले जनाएको छ ।

सशस्त्र प्रहरी बल ४१ नम्बर रिजर्भ गण अर्जुनखोलाबाट खटिएका सुरक्षाकर्मीले राजपुर गाउँपालिका–२ निवासी ४८ वर्षीय तुलाराम यादव र ४० वर्षीय दयाराम यादवको उद्धार गरेको हो ।