कुखुरा फर्मभित्र पुरूषको शव फेला

काठमाडौं । मोरङको कुखुरा फर्मभित्र पुरूषको शव फेला परेको छ ।

सुन्दरहरैँचा नगरपालिका–१ स्थित कुखुरा फर्मभित्र आज बिहान साढे १० बजे एक पुरूषको शव फेला परेको हो । सुन्दरहरैँचा–९ बस्ने ४९ वर्षीय सहदेव बजगाईंको शव क्षतविक्षत अवस्थामा फेला परेको प्रहरीले जनाएको छ । उनी फर्मका सञ्चालक समेत रहेका थिए । घटनास्‍थलबाट बञ्चरो र दाउ पनि फेला परेको छ।

कुखुरा फर्ममा एक दम्पती समेत बस्ने गरेका थिए । उक्त दम्पती फरार रहेको र उनीहरूको खोजी कार्य भइरहेको प्रहरीले जनाएको छ ।