सुदूरपश्चिममा फेरिए नाउपा संसदीय दलको नेता

काठमाडौं । सुदूरपश्चिममा नागरिक उन्मुक्ति पार्टीका बहुमत प्रदेश सभा सदस्यले संसदीय दलको नेताबाट घनश्याम चौधरीलाई हटाएका छन् ।

शनिबार बसेको बैठकले घनश्यामलाई दलको नेताबाट हटाउदै प्रमुख सचेतक खुशीराम डगौरा थारुलाई जिम्मेवारी दिने निर्णय गरेको हो । साथै उपनेताको जिम्मेवारी कैलाश चौधरीलाई र प्रमुख सचेतकको जिम्मेवारी टिका थापालाई दिने निर्णय गरिएको हो ।

७ जनामध्ये चार जना प्रदेश सभा सदस्यको बैठकमा लक्ष्मणकिशोर चौधरी, खुशीराम डगौरा थारु, कैलाश चौधरी र टीका थापाको सहभागी रहेको थिए ।

केन्द्रमा दल नेता परिवर्तन भएको केही दिनमा नै सुदूरपश्चिम प्रदेशमा रञ्जिता श्रेष्ठ पक्षका प्रदेश सभा सदस्यसहितले रेशम पक्षका घनश्याम चौधरीलाई दलको नेताबाट बहुमतले हटाएका हुन् ।