तोलामा एकैपटक २ हजारले घट्यो सुनको मूल्य

काठमाडौं । नेपाली बजारमा सुनचाँदीको मूल्यमा गिरावट आएको छ ।

साताको अन्तिम कारोबार दिन शुक्रबार छापावाला सुनको मूल्य तोलामा २ हजारले गिरावट आएको हो । बिहीबार सुनको प्रतितोला मूल्य १ लाख ४९ हजार ५ सय रहेको थियो, आज मूल्य गिरावट आइ १ लाख ४७ हजार ५ सय कायम भइ कारोबार भइरहेको नेपाल सुनचाँदी व्यवसायी महासंघले जनाएको छ ।

त्यस्तै आज तेजावी सुनको मूल्य १ लाख ४६ हजार ८ सय रहेको छ ।

महासंघका अनुसार चाँदीको मूल्य तोलामा ३० रुपैयाँले गिरावट आएको छ । बिहीबार चाँदीको प्रतितोला मूल्य १ हजार ८ सय ६० रहेकोमा आज मूल्य गिरावट आइ १ हजार ८ सय ३० मा कारोबार भएको हो ।