मोटरसाइकलमा १२ लाख रुपैयाँ लिएर हिँडेका दुई युवा प्रहरीको फन्दामा

तनहुँ । काठमाडौंबाट मोटरसाइकलमा पोखरातर्फ गइरहेका दुई जना युवाको साथबाट प्रहरीले १२ लाख रुपैयाँ बरामद गरेको छ । बरामद रकमको स्रोत खुलाउन नसकेपछि प्रहरीले उनीहरुलाई नियन्त्रणमा लिएको छ ।

तनहुँको व्यास नगरपालिका–३ दुर्गामन्दिरस्थित सडकबाट जिल्ला प्रहरी कार्यालयले बुधबार उनीहरूलाई पक्राउ गरेको हो ।

पक्राउ पर्नेमा रोल्पाको माडी गाउँपालिका–५ पासाबाङ घर भई हाल काठमाडौं चन्द्रागिरि नगरपालिका–१० बस्ने २० वर्षीय लक्ष्मण केसी र २५ वर्षीय सुशान केसी छन् । उनीहरूलाई शंका लागेर जाँच गर्दा सो नगद रकम बरामद भएको हो ।