एयर होस्टेजलाई दुर्व्यवहार गरेको आरोपमा यात्रु पक्राउ

काठमाडौं । श्री एयरलाइन्सको एयर होस्टेजलाई दुर्व्यवहार गरेको आरोपमा एकजना यात्रु पक्राउ परेका छन् । पक्राउ पर्नेमा कैलालीको गोदावरी नगरपालिका–१ घर भएका शिवराज ओझा रहेका छन् ।

मंगलबार काठमाडौबाट धनगढी उडानको क्रममा ओझाले एयर होस्टेजमाथि दुव्यवहार गरेको प्रहरीले जनाएको छ । जहाज धनगढीमा अवतरण भएपछि प्रहरीले ओझालाई पक्राउ गरेको हो ।

ओझा माथि प्रहरीले अभद्र व्यवहार मुद्दामा अनुसन्धान गरिरहेको छ ।