काठमाडौं । एयर डाइनेस्टीको ९ एनएजेडी कलसाइन भएको हेलिकप्टर आज दिउँसो नुवाकोटको शिवपुरी गाउँपालिका–७ सूर्यचौरमा दुर्घटनामा परेको पुष्टि भएको छ ।
काठमाडौंबाट त्रिशूली उडेको एयर डाइनेस्टीको सो हेलिकप्टरमा क्याप्टेन अरुण मल्ल र ४ विदेशी सवार रहेको बताइएको छ ।
एयर डाइनेस्टीका व्यवस्थापक बालकृष्ण पण्डितले ४ जना विदेशीलाई स्याफ्रुबेंसी छाडेर फेरि त्यहाँबाट विदेशी नै लिएर काठमाडौं आउने गरी सो हेलिकप्टर उडेको बताए । पण्डितका अनुसार हेलिकप्टर १ बजेर ३० मिनेटमा चिनियाँ पर्यटक लिएर स्यापु्रmबेंसी उडेको थियो ।
नुवाकोटका प्रमुख जिल्ला अधिकारी रामकृष्ण अधिकारीले शिवपुरी–७ सूर्यचौर क्षेत्रमा हेलिकप्टर दुर्घटनामा परेको पुष्टि गरे । उनका अनुसार हेलिकप्टर दुर्घटना स्थलमा आगलागी भइरहेको र उद्धार कार्य जारी रहेको छ ।
यो खबर पढेर तपाईलाई कस्तो महसुस भयो ?
प्रतिक्रिया