रौतहटमा धारिलो हतियार प्रयोग गरी वृद्धको हत्या

रौतहट । रौतहटमा धारिलो हतियार प्रयोग गरी एक वृद्धको  हत्या भएको छ ।  गौर नगरपालिका को वडा नं. ५ कोइरी टोलका ७४ वर्षीय अनिरुद्ध महतोको हत्या भएको अवस्थामा शव फेला परेको हो । 

जिल्ला प्रहरी कार्यालय रौतहटका उपरीक्षक दिलीप घिमिरेका अनुसार धान खेतमा महतोको शव बुधबार बिहान फेला परेको हो ।  उनको घरभन्दा २ सय मिटर पूर्व धान खेतमा फेला परेको  रौतहट प्रहरी उपरीक्षक घिमिरेले बताए ।

धारिलो हतियार प्रहार गरी महतो हत्या भएको हुन सक्ने प्रारम्भिक अनुसन्धान बाट खुलेको उनले जानकारी दिए । घटनाका बारे आवश्यक अनुसन्धान भइरहेको जिल्ला प्रहरी कार्यालय रौतहटले जनाएको छ ।