लायन्स क्लबका नवनिर्वाचित पदाधिकारीको पदस्थापना

काठमाडौं । लायन्स क्लब काठमाडौंले लियो क्लब मीनभवन र शिष्ट लायोनटिक २०२४–२५ का नव निर्वाचित पदाधिकारीहरुलाई पदस्थापना गराइएको छ । पदाधिकारीहरुलाई डिस्ट्रिक ३२५ डि गर्भनर लायन सुरेन्द्र प्रकाश वलायेले पदस्थापना गराएका हुन् ।

२०८१ साउन १८ गते बागमती प्रदेशका आन्तरिक मामिला तथा कानुनमन्त्री सुरजचन्द्र लामिछानेको विशेष अथिति एवं जिएटी एरिया लिडर लायन खगेन्द्र सिटौलाको प्रमुख आथित्यतामा सम्पन्न कार्यक्रममा लायन्सको महत्वका बारेमा चर्चा गरिएको थियो ।

कार्यक्रममा डिष्ड्रिक डि गर्भनर वलायेले लायन्सको अन्तर्राष्ट्रिय मूल्य मान्यता र देशको गरिमालाई कायम राख्दै सेवाका कामलाई अगाडि बढाउन सुझाव दिए ।

कार्यक्रममा काठमाडौं महानगर वडा नम्बर ३१ का वडाध्यक्ष सरोज ढकाल, मल्टिपल काउन्सिल चियर पर्सन लायन कुमार लामाले पनि शुभकामना मन्तव्य राखेका थिए। 

कार्यक्रममा नवनिर्वाचित अध्यक्ष गोविन्दप्रसाद गौतम, लियो क्लब मीनभवन र शिष्ट लायोनटिकका प्रेसिडेन्ट लियो आयुष भण्डारी र विप्लव अधिकारीले लायन्स क्लब र लियो क्लबले सेवा भावका आधारमा काम गर्ने प्रतिबद्धता जनाए ।

हलमा करिब १ सय १७ जना सहभागी रहेको कार्यक्रम क्यलबका सचिव लायन अपार खड्का र कोषाध्यक्ष गोपाल तन्डुकारले संयुक्त रुपमा संचालन गरेका थिए । 

क्लबको नवनिर्वाचित प्रेसिडेन्डमा लायन गोविन्द गौतम, सचिवमा लायन अपार खड्का, कोषाध्यक्षमा लायन गोपाल तन्डुकारलगायत १८ जनाको कार्य समिति रहेको छ ।