काठमाडौं । सिन्धुलीमा गाडी दुर्घटना हुँदा मृत्यु भएका दुई जनाको सनाखत भएको छ । मृत्यु हुनेमा गोलन्जर नगरपालिकाका पृथ्वी भुजेल र उदय मगर रहेको प्रहरीले जनाएको छ । दुर्घटनामा घाइते भएका ११ जनामध्ये तीन जना गम्भीर रहेको र उनीहरूलाई काठमाडौंमा रिफर गर्ने तयारी भइरहेको प्रहरीले जनाएको छ ।
अन्य घाइतेको सिन्धुली जिल्ला अस्पतालमा उपचार भइरहेको छ । जिल्ला प्रहरी कार्यालय सिन्धुलीका प्रमुख एसपी गोविन्दराज काफ्लेका अनुसार आज बिहीबार बिहान ९ः२२ बजे कमलामाई नगरपालिका–४ चियाबारीस्थित सडकमा बा २० च ८२८३ नम्बरको बोलेरो गाडी दुर्घटनामा परेको हो । तीव्र गतिका कारण अनियन्त्रित भएर गाडी सडकमै पल्टिएको प्रहरीले जनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया