काठमाडौं । डोटीमा यात्रुवाहक बस दुर्घटना हुँदा १७ जना घाइते भएका छन् ।
जिल्लाको दिपायल सिलगढी नगरपालिका–४ समूहगाडमा बस दुर्घटना भएको हो ।
जिल्ला प्रहरी कार्यालय डोटीका अनुसार धनगढीबाट दिपायलतर्फ आइरहेको शैलेश्वरी यातायातको ना ५ ख ४४५१ नम्बरको बस आज बिहान दुर्घटना भएको हो ।
उक्त बस सडकबाट ३५ मिटर तल झरेर दुर्घटनामा परेको हो ।
दुर्घटनापश्चात नेपाल प्रहरी, नेपाली सेना लगायत स्थानीयको सहयोगमा उद्धार गरी अस्पताल पठाइएको छ ।
घाइतेहरुको राजपुरस्थित सुजङ अस्पतालमा उपचार भइरहेको प्रहरीले जनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया