बस दुर्घटना अपडेट : घाइते दुईको मृत्यु, २६ को उपचार हुँदै

नेपालगञ्ज । बाँकेमा भएको बस दुर्घटनामा घाइते भएकामध्ये दुई जनाको मृत्यु भएको छ । मृत्यु हुनेमा दाङको तुलसीपुरका ६० वर्षीय मानबहादुर ओली र बसका सहचालक २४ वर्षीय सन्तोष भुसाल रहेका छन् ।

जिल्ला प्रहरी कार्यालय बाँकेका अनुसार, बाँकेको जानकी गाउँपालिका–६ कोडारपुरस्थित नेपालगन्ज सडकखण्डको गनापुरमा भे १ ख २१२८ नम्बरको बस दुर्घटनामा परेको थियो ।

बस दुर्घटनामा २६ जना घाइते भएका छन् । घाइतेमध्ये २० जनाको भेरी अस्पताल, ५ जनाको कोहलपुरस्थित मेडिकल कलेज र १ जनाको नेपालगन्ज नर्सिङ होममा उपचार भइरहेको छ । बस अनियन्त्रित भई दुर्घटनामा परेको प्रहरीले जनाएको छ ।