जुवातास खेलिरहेको अवस्थामा चार जना पक्राउ

कैलाली ।  जुवातास खेलिरहेको अवस्थामा चार जनालाई प्रहरीले  पक्राउ गरेको छ ।

गोदावरी नगरपालिका-१ बनखेतस्थित सुरक्षा सामुदायिक वनमा जुवातास खेलिरहेको अवस्थामा सोही नगरपालिका-२ बस्ने ४१ वर्षीय प्रेम रोकाया सहित ४ जनालाई शुक्रबार राती प्रहरीले पक्राउ गरेको हो । 

 इलाका प्रहरी कार्यालय अत्तरियाबाट खटिएको प्रहरीले उनीहरूलाई नगद २१ हजार ८ सय ८० रूपैयाँ र ३ गड्डी तास सहित पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको जनाएको छ ।