भक्त बहादुर राना मगरलाई श्रद्धाञ्जली दिँदै अध्यक्ष दाहालले भने- उहाँ देशप्रति समर्पित हुनुहुन्थ्यो 

काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले भक्त बहादुर राना मगरसँग आफ्नो भावनात्मक र  अनुकरणीय सम्बन्ध भएको बताएका छन् ।

बुधबार कमरेड भक्त बहादुर राना मगरको श्रद्धाञ्जली सभालाई सम्बोधन गर्दै ‘प्रचण्ड’ले मगरको लगाव पार्टीमा सबैभन्दा बढी रहेको बताए ।

उनले भने, ‘भक्त बहादुर राना मगरसँग भावनात्मक र अनुकरणीय सम्बन्ध जोडिन पुग्यो । खास गरी मैले उहाँको पार्टीमा लगाव, पार्टीप्रतिको विश्वास र निष्ठा मैले अन्य कमरेडहरूबाट पनि सुनेको थिए ।’

साथै उनले राना मगर पार्टी आन्दोलनप्रति र देशप्रति समर्पित रहने एक योद्धा भएको बताए । उनले मृत्यु शैयामा हुँदा पनि आफ्नो निष्ठा र कर्तव्य नभुलेको उल्लेख गरे ।