कतार पठाइदिन्छु भन्दै ठगी गर्ने व्यक्ति पक्राउ

काठमाडौं । आकर्षक तलबको प्रलोभनमा पारी कतार पठाइदिन्छु भन्दै रकम ठगी गरेको अभियोगमा एक व्यक्ति पक्राउ परेका छन् ।

ओखलढुंगा चिसङखुढी नगरपालिका–६ पोखरे घर भई हाल काठमाडौं बुढानिलकण्ठ नगरपालिका–३ बस्ने २८ वर्षीय सुबास आले मगर रहेका छन् ।

सुभासले कतार पठाइदिन्छु भन्दै १ जना पीडितबाट १ लाख रुपैयाँ लिई सम्पर्क विहीन भएको भन्ने पीडितको उजुरीको आधारमा काठमाडौं उपत्यका अपराध अनुसन्धान कार्यालय टेकुबाट खटिएको प्रहरी टोलीले सुभासलाई काठमाडौं महानगरपालिका–३ महाराजगन्जबाट मंगलबार पक्राउ गरेको हो । 

सुभासलाई आवश्यक अनुसन्धान तथा कारबाहीको लागि वैदेशिक रोजगार विभाग ताहाचल काठमाडौं पठाइएको छ ।