दाइको हत्या अभियोगमा भाइ पक्राउ

काठमाडौं । डोटीमा आफ्नै दाइको हत्या गरेको अभियोगमा भाइ पक्राउ परेका छन् ।

६६ वर्षीय गणेश जोराको हत्या गरेको अभियोगमा जोरायल गाउँपालिका–६ डाँडागाउँ बस्ने ५६ वर्षीय नर बहादुर जोरा पक्राउ परेका हुन् ।

नर बहादुरले घरायसी विवादका क्रममा कोदालोले टाउकोमा प्रहार गर्दा गणेशको घटनास्थलमै मृत्यु भएको खबर प्राप्त हुनासाथ इलाका प्रहरी कार्यालय बिपिनगरबाट खटिएको प्रहरीले उनलाई सोमबार साँझ पक्राउ गरेको हो ।

यस सम्बन्धमा प्रहरीले आवश्यक अनुसन्धान गरिरहेको छ ।