हिजो नयाँ रेकर्ड बनाएको सुनको मूल्य आज के भयो ?

काठमाडौं । बिहीबार नेपाली बजारमा सुनको मूल्यमा सामान्य गिरावट आएको छ ।

अघिल्लो कारोबार दिन बुधबार नेपाली बजारमा सुनको मूल्य हालसम्मकै उच्च अर्थात् तोलामा १ लाख ५४ हजार ४ सय रहेको थियो ।

आज उक्त मूल्य घटेर १ लाख ५३ हजार ३ सय कायम भइ कारोबार भइरहेको नेपाल सुनचाँदी व्यवसायी महासंघले जनाएको छ ।

त्यस्तै आज चाँदीको मूल्य तोलामा १५ रुपैयाँले वृद्धि भएको छ । अघिल्लो कारोबार दिन बुधबार चाँदीको मूल्य तोलामा १ हजार ७ सय ८० रहेकोमा आज मूल्य वृद्धि भइ १ हजार ७ सय ९५ कायम भइ कारोबार भइरहेको छ ।