२३ वर्षीया महिला बलात्कृत, एक जना पक्राउ

काठमाडौं । २३ वर्षीया महिलालाई जबरजस्ती करणी गरेको अभियोगमा एक जना पक्राउ परेका छन् ।

पक्राउ पर्नेमा तनहुँ व्यास नगरपालिका–९ घर भई हाल कास्की पोखरा बस्ने २४ वर्षीय सुदिप पौडेल रहेका छन् 

पौडेलले ती महिलालाई काठमाडौंको लैनचौरस्थित प्यासिफिक गेष्ट हाउस तथा अपार्टमेन्टको १०४ नम्बरको कोठामा जबरजस्ती करणी गरेको भन्ने उजुरीको आधारमा प्रहरी वृत्त लैनचौरबाट खटिएको प्रहरी टोलीले उनलाई बुधबार राति पक्राउ गरेको हो । 

यस सम्बन्धमा प्रहरीले थप अनुसन्धान गरिरहेको छ ।