प्रधानसेनापति सिग्देल र भारतीय राजदूत श्रीवास्तवबीच भेट

काठमाडौं । प्रधानसेनापति अशोकराज सिग्देल र नेपालका लागि भारतका राजदूत नवीन श्रीवास्तवबीच भेटघाट भएको छ ।

शुक्रबार उनीहरूबीच जंगी अड्डामा शिष्टाचार भेटघाट भएको हो । 

उक्त भेटघाटमा दुई पक्षीय आपसी हित तथा पारस्परिक सम्बन्धका विषयमा छलफल भएको थियो । यस किसिमको भेटघाटले दुई देशबीच रही आएको सम्बन्ध थप सुमधुर एवं प्रगाढ बनाउन मद्दत पुग्ने विश्वास लिएको नेपाली सेनाले जनाएको छ ।