सुरु भयो स्थानीय तह उपनिर्वाचन प्रक्रिया, दल दर्ता भोलिदेखि (सूचनासहित)

काठमाडौं । आगामी मंसिरमा १६ गते हुने स्थानीय तह उपनिर्वाचनका लागि दल दर्ता भोलि असोज १० गतेदेखि गरिने भएको छ ।

निर्वाचन आयोगले आज बुधबार सूचना जारी गर्दै २०८१ मंसिर १६ गते हुने स्थानीय तह उपनिर्वाचनमा भाग लिनका लागि राजनीतिक दलहरूलाई बिहीबारदेखि दर्ताका लागि आह्वान गरेको हो ।

आयोगले आयोगमा दर्ता कायम रहेका राजनीतिक दलहरूलाई नेपालको संविधानको धारा २१७ र राजनीतिक दल सम्बन्धी ऐन, २०७३ को दफा ४ बमोजिम असोज १० गतेदेखि असोज १६ गतेसम्म कार्यालय समयभित्र राजनीतिक दल सम्बन्धी नियमावली, २०७४ को अनुसूची १२ बमोजिमको ढाँचामा निर्वाचन आयोगको कार्यालयमा दल दर्ताका लागि निवेदन दिन भनेको छ ।