काठमाडौं । बिहीबारदेखि परेको अविरल वर्षाको कारण आएको बाढीमा परी काठमाडौं उपत्यकामा ठुलो धनजनको क्षति भएको छ ।
हालसम्म काठमाडौं उपत्यकामा मात्रै ३२ जनाको मृत्यु भएको गृहमन्त्रालयले जनाएको छ ।
मन्त्रालयका अनुसार काठमाडौंमा बाढीमा परी ११ जनाको मृत्यु भएको छ । त्यस्तै भक्तपुरमा ५ र ललितपुरमा १६ जनाको मृत्यु भएको हो ।
हालसम्म काठमाडौं उपत्यकामा बाढीमा परी १७ जना घाइते भएका छन् भने १ हजार ५३ जनाको उद्धार गरिएको छ । साथै काठमाडौंमा मात्रै १ हजार २ सय ४४ घर डुवानमा परेका छन् ।
काठमाडौंमा उपत्यकामा मात्रै उद्धार र राहतको लागि ५ हजार भन्दा बढी सुरक्षाकर्मी परिचालन गरिएको मन्त्रालयले जनाएको छ ।
अविरल वर्षाका कारण देशभरको जनजीवन प्रभावित बनेको छ ।
यो खबर पढेर तपाईलाई कस्तो महसुस भयो ?
प्रतिक्रिया