१४ जनाको शव फेला परेको झ्याप्ले खोलामा आज थप तीन शव भेटियो, सनाखत हुन बाँकी

काठमाडौं । पृथ्वी राजमार्गअन्तर्गतको धादिङको झ्याप्ले खोलामा पुरिएको अवस्थामा थप ३ शव फेला परेको छ । फेला परेका तीनै जनाको शव निकालिए पनि सनाखत हुन बाँकी छ ।

झ्याप्ले खोलामै हिजो राति दुई वटा बस पुरिएको अवस्थामा फेला परेका थिए । ती बसबाट १४ जनाको शव निकालिएको थियो ।

आज फेला परेका शव गोरखाबाट काठमाडौंतर्फ आउँदै गर्दा सम्पर्कविहीन भएको बसका यात्रु हुन सक्ने प्रहरीको अनुमान छ ।

पहिरो पन्छाउने क्रममा फेला परेको सो बस अहिले बस निकाल्ने काम भइरहेको छ । सशस्त्र प्रहरीको डिएसपीको कमान्डमा र नेपाली सेना, नेपाल प्रहरीसहितको टोली उद्धारमा खटिएको छ ।