काठमाडौं । इंग्लिस प्रिमियरसिपको आइतबार राति भएको खेलमा म्यानचेस्टर युनाइटेडलाई टोटनह्यामले ३–० गोल अन्तरले पराजित गरेको छ ।
भ्रमणकारी टोलीले शानदार प्रदर्शन गर्दै ओल्ड ट्रायफोर्डमा भएको खेलमा १० खेलाडीमा सिमित म्यानचेस्टर युनाइटेडलाई ३–० गोलले पराजित गरेको हो ।
खेलको तेस्रो मिनेटमा ब्रेना जोन्सनको गोलबाट टोटनह्यामको दबदबा सुरु भएको थियो । मिक्की भान डी भेनले बनाएको मुभमा जोन्सनले गोल गरेका थिए ।
४२औँ मिनेटमा ब्रनो फर्नान्डेजले रातो कार्ड पाएपछि म्यानचेस्टर युनाइटेडलाई थप धक्का लागेको थियो । दोस्रो हाफको दोस्रो मिनेटमा नै डेजान भुलिभ्सेस्कीको गोलमा टोटनह्यामले अग्रतालाई दोब्बर पारेको थियो ।
खेलपछि टोटनह्याम ८औँ स्थानमा छ भने म्यानचेस्टर युनाइटेड १२औँ स्थानमा छ ।
यो खबर पढेर तपाईलाई कस्तो महसुस भयो ?
प्रतिक्रिया