एनपिएल : टिम सुदूरपश्चिमको नाम र लोगो सार्वजनिक 

काठमाडौं । नेपाल प्रिमियर लिग (एनपिएल)को सहभागी टोली सुदूरपश्चिमले आफ्नो नाम र लोगो सार्वजनिक गरेका छन् ।

सुदूरपश्चिमले सोमबार सामाजिक सन्जालमार्फत नाम र लोगो सार्वजनिक गरेका हुन् । टिमको नयाँ नाम सुदूरपश्चिम रोयल्स रहनेछ ।

व्यावसायिक क्रिकेटलाई नयाँ उचाइ दिने लक्ष्यका साथ क्यानले अघि बढाएको योजनामा सुदूरपश्चिमलाई प्रतिनिधित्व गर्दै आफ्नो ठाउँबाट भूमिका निर्वाह गर्न सुदूरपश्चिम रोयल्स उत्साहित रहेको टोलीले जनाएको छ ।

सुदूरपश्चिमको मार्की खेलाडीका रूपमा राष्ट्रिय क्रिकेट टोलीका अलराउन्डर दीपेन्द्र सिंह ऐरी रहेका छन् । सुदूरपश्चिम रोयल्सको स्वामित्व एम्पायर स्पोट्स म्याजमेन्ट प्रालिसँग रहेको छ ।

नेपाल क्रिकेट संघ (क्यान) को आयोजनामा ८ टोलीको सहभागितामा मंसिर १६ गतेदेखि पुस ६ गतेसम्म एनपिएल हुनेछ ।८ टोलीको मार्की खेलाडीको टुंगो लागिसकेको छ ।