आज नागढुंगादेखि झ्याप्लेखोला सडक खण्डमा दुई घण्टा सवारी साधन चलाउन नपाइने

काठमाडौं । पृथ्वी राजमार्ग हुँदै काठमाडौं भित्रिने मुख्य नाका नागढुंगादेखि धादिङको धुनिवेशी नगरपालिका–९ स्थित झ्याप्लेखोला सडक खण्डमा आज दुई घण्टा सवारी सञ्चालनमा रोक लगाइएको छ ।

आज बिहान एकतर्फी मात्रै सवारी साधन चलाइएको सो सडक खण्डमा ११ बजेदेखि दिउँसो १ बजेसम्म सवारी सञ्चालनमा रोक लगाइएको हो ।

बागमती प्रदेश ट्राफिक प्रहरी कार्यालयका एसपी नरेश सुवेदीले मोटरसाइकल पनि रोकेर बिहान ११ बजेदेखि दिउँसो १ बजेसम्म बाटोमा भएको पहिरो पन्छाउन लागिएकोे जनाए । पहिरो पन्छाएर दुईतर्फी नै सडक सञ्चालनका लागि यो काम गरिएको उनको भनाइ छ ।

झ्याप्ले खोलामा आएको पहिरोमा पुरिएर ३ वटा गाडीमा सवार ३५ जनाको मृत्यु भएको थियो । मृत्यु हुनेमा २५ जना पुरुष ९ जना महिला र १ जना बालिका छन् ।