काठमाडाैं । धनुषाको नगराइन नगरपालिका–५ गंगुलीस्थित सडकमा मोटरसाइकल दुर्घटना हुँदा चालकको मृत्यु भएको छ ।
गंगुलीबाट रूपैठातर्फ जाँदै गरेको प्र.२–०२–००३ प ९६६० नम्बरको मोटरसाइकल अनियन्त्रित भई मंगलबार दिउँसो दुर्घटना हुँदा चालककाे मृत्यु भएको हो ।
मृत्यु हुनेमा जनकपुर उपमहानगरपालिका–११ बस्ने ३८ वर्षीय रोहित कुमार रहेका छन् । दुर्घटनामा गम्भीर घाइते भएका उनको प्रादेशिक अस्पताल जनकपुर हुँदै न्यूरो अस्पताल जनकपुरमा थप उपचारको क्रममा मृत्यु भएको प्रहरीले जनाएको छ ।
दुर्घटनाका सम्बन्धमा प्रहरीले आवश्यक अनुसन्धान गरिरहेको छ ।
यो खबर पढेर तपाईलाई कस्तो महसुस भयो ?
प्रतिक्रिया