काठमाडौं । युइएफए च्याम्पियन्स लिगमा इटालियन क्लब एटलान्टाले युक्रेनी क्लब शख्तर डोनेस्कलाई ३–० ले हराउँदै सन् २०१९ को नतिजा दोहोर्याएको छ ।
पहिलो हाफमा उत्कृष्ट प्रदर्शन गर्दै खेल जित्ने आधार तयार गरेको थियो । डिम्सिटी, लुकम्यान र बेलानोवाकाले एक एक गोल गर्दा एटलान्टाले तीन अंक हासिल गर्दै आफ्नो अपराजित यात्रा जारी राखेको छ ।
२१औँ मिनेटमा ब्रेट डिम्सिटीले एडेमोला लुकम्यानको पासमा गोल गर्दै एटलान्टालाई अग्रता दिलाएका थिए ।
४४औँ मा मिनेटमा लुकम्यानले अग्रता दोब्बर बनाए । पहिलो हाफमा २ गोल गरेको एटलान्टाले दोस्रो हाफमा अरु १ गोल थपेको थियो । ४८ औँ मिनेटमा बेलानोवाकोले गोल गरेपछि सख्तर खेलमा फर्कन सकेन ।
खेलमा शख्तर को प्रदर्शन निकै कमजोर रह्यो । निर्धारित र अतिरिक्त गरेर ९४ मिनेटसम्म कुनै पनि बेला एटलान्टामाथि दबाब बनाउन सकेन ।
एटलान्टाको अर्को खेल अक्टोबर २३ मा स्कटल्यान्डको सेल्टिकसँग हुनेछ, जबकि शख्तरले आफ्नो आगामी खेलमा आर्सनलसँग खेल्न उत्तर लन्डनको यात्रा गर्नुपर्नेछ ।
यो खबर पढेर तपाईलाई कस्तो महसुस भयो ?
प्रतिक्रिया