अटोमेटिक पस्तोलसहित २ जना पक्राउ

काठमाडौं । ताप्लेजुङ र नेपालगंजबाट पस्तोलसहित २ जनालाई प्रहरीले पक्राउ गरेको छ ।

ताप्लेजुङको मिक्वाखोला गाउँपालिका–२ ओइराबु बस्ने २० वर्षीय उदय पन्थलाई अटोमेटिक पस्तोल १ थानसहित बुधबार राति प्रहरीले पक्राउ गरेको छ । जिल्ला प्रहरी कार्यालय ताप्लेजुङबाट खटिएको प्रहरी टोलीले उनको घर तलासी गर्दा उक्त पेस्तोल फेला पारी पक्राउ गरेको हो ।

साथै बाँकेको नेपालगन्ज उपमहानगरपालिका–२० ज्ञानपुर बस्ने ३६ वर्षीय धनिराम कुर्मीलाई कटुवा पेस्तोल १ थानसहित बुधबार राति प्रहरीले पक्राउ गरेको छ । इलाका प्रहरी कार्यालय कोहलपुर र प्रहरी बिट राँझाबाट खटिएको सयुक्त प्रहरी टोलीले उनको घर तलासी गर्दा उक्त पेस्तोल फेला पारी पक्राउ गरेको हो ।

यस सम्बन्धमा प्रहरीले आवश्यक अनुसन्धान गरिरहेको छ ।