बुबाको हत्या अभियोगमा छोरा पक्राउ

काठमाडौं । ताप्लेजुङमा बुबाको हत्या गरको अभियोगमा प्रहरीले छोरालाई पक्राउ गरेको छ । ५५ वर्षीय बुबा श्याम ओख्राबु लिम्बुको हत्या गरेको अभियोगमा मेरिङदेन गाउँपालिका–१ ओख्राबु बस्ने ३२ वर्षीय सुमन ओख्राबु लिम्बुलाई बिहीबार बिहान प्रहरीले पक्राउ गरेको हो ।

सुमनले घरायसी विवादको क्रममा बाम्फोक प्रहार गर्दा श्याम ओख्राबुको घटनास्थलमै मृत्यु भएको भन्ने खबर प्राप्त हुनासाथ प्रहरी चौकी सान्थाक्राबाट खटिएको प्रहरी टोलीले उनलाई पक्राउ गरेको हो ।

यस सम्बन्धमा प्रहरीले आवश्यक अनुसन्धान गरिरहेको छ ।