रवि पक्राउ परेको विरोधमा रास्वपाले आज पनि पोखरामा प्रदर्शन गर्दै

काठमाडौं । राष्ट्रिय स्वतन्त्र पार्टी (रास्वपा) ले आज पनि पोखरामा विरोध प्रदर्शन गर्ने भएको छ ।

पूर्व गृहमन्त्री समेत रहेका रास्वपा सभापति रवि लामिछाने पक्राउ परेको विरोधमा रास्वपाले आज पनि प्रर्दशन गर्न लागेको हो ।

यसअघि हिजो पनि पोखराको चिप्लेढुंगास्थित मानवअघिकार चोकमा प्रदर्शन गरेको थियो ।

आज शहीद चोकमा प्रदर्शन गर्न लागेको रास्वपाले जनाएको छ ।

प्रहरीले शुक्रबार साँझ लामिछानेलाई सहकारी ठगी प्रकरणमा पक्राउ गरेको थियो । काठमाडौंको बनस्थलीस्थित पार्टी कार्यालयबाट पक्राउ परेका लामिछानेलाई आज जिल्ला अदालत कास्कीमा उपस्थित गराइँदैछ ।

आज १२ः३० बजे प्रदर्शन गर्न लागेको रास्वपाले जनाएको छ ।

रविलाई काठमाडौंबाट पक्राउ गरेर पोखरा लगेसँगै रास्वपाका नेताहरु पोखरामा रहेका छन् ।