प्रधानमन्त्री ओलीले आज दिउँसो ३ बजे सम्बोधन गर्ने

काठमाडौं । प्रधानमन्त्री केपी शर्मा ओलीले आज बुधबार दिउँसो ३ बजे सम्बोधन गर्ने भएका छन् । सरकारको सय दिन पुगेको अवसरमा ओलीले सम्बोधन गर्ने भएका हुन् ।

सम्बोधनका क्रममा प्रधानमन्त्री ओलीले सय दिनमा सरकारका उपलब्धि, थालेका काम र परिणामका बारेमा जानकारी दिनेछन् । प्रधानमन्त्री ओली अहिले सत्तारुढ दलहरूसँग बालुवाटारमा छलफलमा व्यस्त छन् ।

असार १७ गते नेपाली कांग्रेस र एमालेबीच भएको सात बुँदे समझदारीका आधारमा ओली असार ३० गते प्रधानमन्त्रीमा नियुक्त भएका थिए ।

राजनीतिक स्थिरता र संविधान संशोधनलाई प्रमुख एजेन्डा बनाएर सुरु भएको कांग्रेस–एमाले सत्ता सहयात्रामा लोसपा, अशोक राई नेतृत्वको जसपा, लोसपा र नाउपा सहभागी छन् ।