बारामा हतियार प्रहार गरी एक जनाको हत्या

काठमाडौं । बाराको महागढीमाई नगरपालिकामा शनिबार राति धारिलो हतियार प्रहार गरी एक जनाको हत्या भएको छ । महागढिमाई नगरपालिका–१ सेमरा तेगछियाका ५० वर्षीय श्रीनारायणप्रसाद यादवको हत्या भएको हो ।

अज्ञात समूहको धारिलो हतियार प्रहारबाट गम्भीर घाइते भएका यादवलाई उपचारका लागि प्रादेशिक अस्पताल कलैयामा लगिएकोमा अस्पतालमै उनको मृत्यु भएको बाराका प्रहरी प्रवक्ता एवं डीएसपी प्रकाश सापकोटाले बताए ।

यादवको हत्या गरेको आरोपमा तीन जनालाई पक्राउ गरिएको तथा घटनाको सम्बन्धमा थप अनुसन्धान भइरहेको सापकोटाले बताए ।