‘मिस्टर वर्ल्ड २०२४’ मा सहभागिता जनाउन सन्तोष लोक्सम भियतनाम प्रस्थान

काठमाडौं । ‘मिस्टर नेपाल २०२४’ को विजेता सन्तोष लोक्सम लिम्बु भियतनाम प्रस्थान गरेका छन् । 

आगामी नोभेम्बर महिनामा भियतनामा संचालन हुने ‘मिस्टर वर्ल्ड २०२४’ मा नेपालको प्रतिनिधित्व गर्दै उनी सोमबार प्रस्थान गरेका हुन् । 

त्रिभुवन अन्तर्राष्ट्रिय विमानस्थलनमा सञ्चारकर्मीहरुसँग कुराकानी गर्दै उनले ‘मिस्टर वर्ल्ड २०२४’ मा नेपालको प्रतिनिधित्व गर्दै देशको सुन्दरता प्रस्फुटन गर्न जान पाउँदा गर्वको महसुस भएको बताए । 

उनले भने, ‘मलाई खुसी लागेको छ । मिस्टर वर्ल्डको ५ वर्ष पूरा हुँदैछ । धेरै जनाको सपना बोकेर म जाँदैछु, आफ्नो देशको सुन्दरता प्रस्फुटन गर्न जाँदैछु , यसका कारण पनि धेरै गर्वकाे महसुस गरिरहेकाे छु । ’

गत भदौ ८ गते ‘मिस्टर नेपाल २०२४’ को विजेता बनेसँगै उनी आधिकारिक रूपमा ‘मिस्टर नेपाल वर्ल्ड २०२४’ मा चयन भएका हुन् ।