दैलेखबाट सुर्खेत आउँदै गरेको गाडी दुर्घटना, यकिन विवरण आउन बाँकी

सुर्खेत । सुर्खेत-दैलेख सीमास्थित वीरेन्द्रनगर-१४ को रातानाङ्ला नजिक शुक्रबार दिउँसो फोर्स गाडी दुर्घटनामा परेको छ । दैलेख बजारबाट सुर्खेततर्फ आउँदै गरेको सो गाडी दुर्घटनाको विस्तृत विवरण आउन बाँकी छ ।

गाडी सडकभन्दा झण्डै दुई सय मिटर भिरमा खसेकाले यकिन विवरण संकलन गर्न नसकिएको प्रहरीले जनाएको छ । प्रहरीका अनुसार १३ जना घाइतेको उद्दार गरी गुराँस गाउँपालिकाको एम्बुलेन्समार्फत कर्णाली प्रदेश अस्तालत सुर्खेत पठाएको छ । अन्यको उद्धार कार्य जारी रहेको प्रहरीले जनाएको छ । गाडीमा ३० देखि ३५ जना यात्रु रहेको अनुमान गरिएको छ ।