छिमेकीको हत्या गरेको आरोपमा युवक पक्राउ

काठमाडौं । झापामा छिमेकीको हत्या गरेको आरोपमा प्रहरीले एक जना युवकलाई पक्राउ गरेको छ । पक्राउ पर्नेमा झापा बाह्रदशी गाउँपालिका–५ फुलबारी बस्ने २६ वर्षीय मानकुमार राजवंशी रहेका छन् ।  

राजवंशीले छिमेकी गंगा लाल माझीलाई पुरानो रिसिइबीको कारण फलामको रडले टाउकोमा प्रहार गरी हत्या गरेको प्रहरीले जनाएको छ ।    

उक्त प्रहारबाट गम्भीर घाइते माझीको उपचारको क्रममा विएण्डसी अस्पतालमा हिजो राति मृत्यु भएको थियो । 

 राजवंशीलाई फलामको रडसहित नियन्त्रणमा लिई इलाका प्रहरी कार्यालय अनारमनिमा राखी थप अनुसन्धान भइरहेको छ ।