मोटरसाइकल दुर्घटनामा चालकको मृत्यु

सुनसरी । मोटरसाइकल  दुर्घटनामा चालकको मृत्यु भएको छ । 

इटहरी उपमहानगरपालिका-२ आँपगाछीस्थित सडकमा ईटहरीबाट धरानतर्फ जाँदै गरेको प्रदेश १-०२-०५४ प १७२ नम्बरको मोटरसाइकल अनियन्त्रित भई बुधबार दिउँसो दुर्घटना हुँदा चालक सोहीउपमहानगरपालिका-२ बस्ने २४ वर्षीय निराज बजगाईंको मृत्यु भएको हो । 

दुर्घटनामा गम्भीर घाइते भएका उनको न्युरो अस्पताल विराटनगरमा उपचारको क्रममा मृत्यु भएको हो । दुर्घटनाका सम्बन्धमा प्रहरीले आवश्यक अनुसन्धान गरिरहेको जनाएको छ ।