अफगानिस्तानमा गाडी दुर्घटना हुँदा ६ जनाको मृत्यु

अफगानिस्तान ।  उत्तरी अफगानिस्तानको बदख्सान प्रान्तको कोक्चा नदीमा यात्रु बहाक गाडी खसी दुर्घटनाग्रस्त हुँदा कम्तीमा छ जनाको मृत्यु भएको  छ । 

विज्ञप्तिका अनुसार आइतबार राती गाडी प्रान्तको राजधानी फैजाबाद सहरतर्फ गइरहेको अवस्थामा दुर्घटना भएको हो । 

स्थानीय वासिन्दा तथा उद्धारकर्ताहरू घटनास्थलमा पुगी घाइतेको उद्धार गर्नुका साथै  शवहरू निकालेको विज्ञप्तिमा उल्लेख गरिएको छ ।  

 स्रोतका अनुसार गत हप्ता मात्र यही क्षेत्रमा यात्रु बहाक गाडी दुर्घटना हुँदा महिला तथा बालबालिका सहित आठ जना यात्रुहरूको ज्यान गएको थियो ।