जाडो कटाउन संघर्ष गर्दै अफगानीहरू

काठमाडौं । कमजोर अर्थतन्त्रको बीचमा अफगानीहरू जाडोका लागि आफूलाई तयार पार्न संघर्ष गरिरहेका छन् । अफगानिस्तानका बहुसंख्यक मानिसहरूले आफ्नो घर न्यानो बनाउन दाउरा खोजिरहेका छन् ।

यद्यपि बढ्दो मूल्यका कारण धेरै अफगानिस्तानका बासिन्दाहरूलाई  दाउरा किन्न  गाह्रो भइरहेको छ । अफगान निवासी गाजी अहमदका  अनुसार यस वर्ष  ५६० किलो दाउराको मूल्य  १४ हजारदेखि १५ हजार अफगानी (लगभग २०६ देखि २२१ अमेरिकी डलर) रहेको छ । 

जुन गत वर्ष ७ हजार देखि ८ हजार अफगानी (लगभग १०३ देखि ११८ अमेरिकी डलर) रहेको थियो ।