सावेल प्रहार गरी हत्या, एक जना पक्राउ

काठमाडौं । मकवानपुरमा सावेल प्रहार गरी हत्या गरेको अभियोगमा एक जना पक्राउ परेका छन् । मनहरी गाउँपालिका-६ प्रतापुर लच्का बस्ने जित बहादुर मोक्तानको हत्या गरेको अभियोगमा सोही ठाउँ बस्ने ३४ वर्षीय अम्मर बहादुर लोप्चनलाई गए राति प्रहरीले पक्राउ गरेको हो ।

अम्मर बहादुरले सावेल प्रहार गरी जित बहादुरलाई घाइते बनाएको भन्ने खबर प्राप्त हुनासाथ प्रहरी चौकी सुनाचुरीबाट खटिएको प्रहरी टोलीले उनलाई पक्राउ गरेको हो ।

सावेल प्रहारबाट गम्भीर घाइते भएका बहादुरको भरतपुर सरकारी अस्पताल चितवनमा उपचारको क्रममा मृत्यु भएको हो ।

यस सम्बन्धमा प्रहरीले आवश्यक अनुसन्धान गरिरहेको छ ।