‘मेरो डिजिटल देश’ अभियानमा सहभागि अञ्जुला घिमिरेले जितिन् इमाडोलमा साढे दुई तल्लाको घर

काठमाडौं । ईसेवा मनि ट्रान्सफरको ‘मेरो डिजिटल देश’ अभियानमा सहभागि अञ्जुला घिमिरेले इमाडोलमा साढे दुई तल्लाको घर जित्न सफल भएकी छन् । डिजिटल रेमिट्यान्स कम्पनी ईसेवा मनि ट्रान्सफरले सञ्चालन गरेको ‘मेरो डिजिटल देश’ अभियानअन्तर्गत अञ्जुला घिमिरेले काठमाडौंमा घर जित्न सफल भएका हुन्।

बुधबार ईसेवा मनि ट्रान्सफर र र्इसेवाको आधिकारिक फेसबुक पेजसँगै टेलिभिजनमार्फत बम्पर उपहार स्वरुप घर जित्न सफल भाग्यशाली विजेताको घोषणा गरिएको थियो। विजेताले महालक्ष्मी नगरपालिका ललितपुर वडा नं. ३, इमाडोलमा करिब ३ आना क्षेत्रफलमा बनेको साढे दुई तल्लाको घर जित्ने सुनौलो अवसर प्राप्त गरेकी हुन् ।

प्रत्यक्ष प्रसारणमार्फत डिजिटल गोलाप्रथाको मध्यमबाट विजेता घोषणा गरिएको थियो । विजेता घिमिरेले रोमानियाबाट ईसेवा मनि ट्रान्सफरमार्फत र्इसेवा वालेटमा रेमिट्यान्स पठाएकी थिइन् ।

ईसेवा मनि ट्रान्सफरले विदेशबाट आउने रेमिट्यान्सको वैधानिकता प्रवर्द्धन गर्न र डिजिटल रेमिट्यान्सलाई प्रोत्साहन गर्न ‘मेरो डिजिटल देश’ अभियान सार्वजनिक गरेको हो। यसैअन्तर्गत, २०८० असोज १ देखि २०८१ कार्तिक ३० गतेसम्म रेमिट्यान्स पठाउने सहभागीमध्येबाट एकजनालाई बम्पर उपहार स्वरूप काठमाडौंमा घर दिने घोषणा गरेको थियो।

कार्यक्रममा ईसेवा मनि ट्रान्सफरका प्रमुख कार्यकारी अधिकृत अजेश कोइरालाले डिजिटल रेमिट्यान्सको महत्त्व र यसले राष्ट्रिय अर्थतन्त्रमा पार्ने सकारात्मक प्रभावबारे चर्चा गरे । उनले ‘‘मेरो डिजिटल देश’ अभियानले रेमिट्यान्सलाई वैधानिक बनाउन महत्वपूर्ण भूमिका खेलेको बताए । देशलाई डिजिटल बनाउने यस अभियानप्रति योगदान पुर्याउने सबै नेपालीलाई धन्यवाद दिँदै उनले आगामी दिनमा पनि रेमिट्यान्सलाई डिजिटल र विश्वसनीय बनाउँदै थप प्रभावकारी सेवा प्रदान गर्ने प्रतिवद्धता जनाए ।

ईसेवाका प्रमुख कार्यकारी अधिकृत जगदीश खड्काले विजेतालाई बधाई दिँदै डिजिटल रेमिट्यान्सलाई प्रोत्साहन गर्दै विश्वभर रहेका नेपालीहरूलाई आफ्नो देश र परिवारसँग अझ नजिक बनाउन ‘मेरो डिजिटल देश’ अभियानले महत्वपूर्ण योगदान पुर्याएको बताए ।

सन् २०१९ मा नेपाल राष्ट्र बैंकबाट इजाजतपत्र प्राप्त ईसेवा मनि ट्रान्सफरले परम्परागत शैलीका साथै डिजिटल माध्यमबाट पनि विप्रेषण सेवा प्रदान गर्दै आइरहेको छ। इसेवा वालेट, बैंक तथा वित्तीय संस्था, र आफ्ना भुक्तानी केन्द्रहरूको माध्यमबाट सेवा दिने यो कम्पनी, एफवान सफ्ट ग्रुपअन्तर्गतको भगिनी संस्था हो। यसले नेपालभर फिनटेकमा आधारित भुक्तानी प्रणालीलाई सशक्त बनाउँदै आएको छ।