बिलविजक नभएको करिब ७ लाख मूल्य बराबरको रुद्राक्ष  बरामद

काठमाडौं । सुनसरीको धरान उपमहानगरपालिका–१३ बाट सशस्त्र प्रहरीले बिलविजक नभएको करिब ६ लाख ८८ हजार रुपैयाँ बराबरको रुद्राक्ष मंगलबार बरामद गरेको छ ।

धरानबाट धनकुटातर्फ जाँदै गरेको यात्रुवाहक बसलाई सशस्त्र प्रहरीबल नेपाल सुरक्षा वेश धरानको चेकप्वाईन्ट टोलीले शंका लागि जाँच गर्दा बिलिविजक नभएको ३ सय ४४ केजी रुद्राक्ष बरामद गरेको हो ।

बरामद रुद्राक्ष आवश्यक कारबाहीको लागि राजश्व कार्यालय इटहरी सुनसरीमा बुझाइएको प्रहरीले जनाएको छ ।