एनपीएल : विराटनगरविरुद्ध सुदूरपश्चिम रोयल्सको फराकिलो जित

काठमाडौं । नेपाल प्रिमियर लिग (एनपीएल) क्रिकेट अन्तर्गत सुदूरपश्चिम रोयल्सबाट सर्वाधिक रनको लक्ष्य पाएको विराटनगर किङ्ग्स अलआउट भएको छ ।

टस जितेर पहिले बलिङ रोजेको विराटनगरलाई सुदूरपश्चिमले १८३ रनको सर्वाधिक रनको लक्ष्य दिएको थियो ।

आफ्नो लक्ष्य पच्छाउन मैदानमा उत्रिएको विराटनगर किङ्ग्सको सुरुवातबाटै ब्याटिङमा समस्या देखियो ।

१६ ओभरको क्षतिमा ९२ रन बनाउँदै सबै विकेट गुमाएको विराटनगर किङ्ग्सले योसहित ३ वटा खेलमा पराजित हुन पुगेको हो ।

विराटनगरका लागि बासिर अहमदले २४ र राजेश पुलामी मगरले १५ रन बनाए । क्रिश सोल र अनिल खरेलले क्रमशः ९ र १० रन जोड्न सफल भएका हुन् ।

तर अन्य खेलाडीले दोहोरो अंक छुन सकेनन् । ओपनर मार्टिन गप्टिल गोल्डन डकआउट भए ।

त्यस्तै एनपीएलमा पहिलो खेल खेलेको सुदूरपश्चिमले ठूलो रनको मतान्तरमा विराटनगरलाई हराएको हो ।