भरुवा बन्दुकसहित दुई जना पक्राउ

काठमाडौं । अछाम र मोरङबाट भरुवा बन्दुकसहित दुई जना पक्राउ परेका छन् । पक्राउ पर्नेमा मोरङको सुनवर्षी नगरपालिका–७ बरडंगा बस्ने ओम प्रकाश यादव र अछामको साँफेबगर नगरपालिका–७ रिडिकोट बस्ने ३३ वर्षीय कुबेर केसी रहेका छन् ।

इलाका प्रहरी कार्यालय रंगेलीबाट खटिएको प्रहरी टोलीले यादवको घर तलासी गर्दा १ थान भरुवा बन्दुक फेला पारी उनलाई मंगलबार दिउँसो पक्राउ गरेको हो । साथै बयलपाटाबाट खटिएको प्रहरी टाेलीले केसीको घरको छाना माथि लुकाई छिपाई राखेको अवस्थामा १ थान भरुवा बन्दुक फेला पारी मंगलबार दिउँसो उनलाई पक्राउ गरेको हो ।

यस सम्बन्धमा प्रहरीले आवश्यक अनुसन्धान गरिरहेको छ ।