जुवातास खेलिरहेको अवस्थामा ६ जना पक्राउ

बर्दिया । जुवातास खेलिरहेको अवस्थामा ६ जनालाई प्रहरीले पक्राउ गरेको छ ।  बाँसगढी नगरपालिका-४ मगरपुरस्थित कृष्ण अधिकारीको कुखुरा फर्ममा जुवातास खेलिरहेको अवस्थामा कृष्ण समेत ६ जनालाई मंगलबार बिहान प्रहरीले पक्राउ गरेको हो । 

इलाका प्रहरी कार्यालय मोतिपुरबाट खटिएको प्रहरीले उनीहरूलाई नगद ४४ हजार २ सय ९० रुपैयाँ, १ सय १० पत्ती तास, ३ बुक नखोलेको तास, मोबाइल ६ थान र १ थान मोटरसाइकल सहित पक्राउ गरेको हो ।  यस सम्बन्धमा प्रहरीले आवश्यक अनुसन्धान गरिरहेको जनाएको छ ।