फिल्म पुष्पा–२ रिलिजको क्रममा दर्शकहरूबीच भागदौड, एक महिलाको मृत्यु

काठमाडौं । तेलुगु अभिनेता अल्लु अर्जुनको फिल्म ‘पुष्पा २’ आजबाट रिलिज भएको छ । रिलिज हुनु अघि डिसेम्बर ४ मा फिल्म पुष्प २ को बेनिफिट सो आन्ध्र प्रदेश र तेलंगानामा देखाइएको थियो।

चिक्कडपल्ली हैदरावादको सन्ध्या थिएटरमा एक बेनिफिट कार्यक्रम पनि आयोजना गरिएको थियो। फिल्मका नायक अल्लु अर्जुन पनि यहाँ पुगेका थिए । उनलाई हेर्न फ्यानहरुको भीड लागेको थियो ।

यसैबीच भागदौड भएको र भीड नियन्त्रण गर्न प्रहरीले हल्का लाठीचार्ज गरेको थियो । यस अराजकतामा रेवती नामकी महिलाको मृत्यु भयो। घटनामा महिलाका छोरा श्रीतेजाको अवस्था चिन्ताजनक रहेको सञ्चार माध्यमले जनाएको छ  ।

चिक्कडपल्ली प्रहरीले बीबीसी तेलुगुलाई भनेको छ, ‘हैदराबादमा फिल्म पुष्प २ रिलिजको क्रममा मच्चिएको भागदौडमा ३५ वर्षीया महिला रेवतीको मृत्यु भएको छ।’ बीबीसी तेलुगुका अनुसार चिक्कडप्पल्ली प्रहरीले मुद्दा दर्ता गरी घटनाको अनुसन्धान गरिरहेको छ।