रवि लामिछानेलाई थप चार दिन हिरासतमा राख्न अनुमति

काठमाडौं । राष्ट्रिय स्वतन्त्र पार्टी (रास्वपा) सभापति रवि लामिछानेलाई थप ४ दिन हिरासतमा राख्न अदालतले अनुमति दिएको छ ।

सहकारी संस्थाको रकम हिनामिना गरेको आरोपमा पक्राउ परेका उनलाई आज कास्की जिल्ला अदालतले ४ दिन हिरासतमा राख्न अनुमति दिएको हो । 

सहकारी ठगी प्रकरणमा कात्तिक २ गते लामिछाने काठमाडौंबाट पक्राउ परेका थिए । उनलाई जिल्ला प्रहरी कार्यालय कास्कीको हिरासतमा राखिएको छ ।