सुनसरीबाट ६४ किलो गाँजा बरामद

काठमाडौं । सुनसरीबाट सशस्त्र प्रहरीले  ६४ किलो गाँजा बरामद गरेको छ । भोक्राहानरसिँह गाउँपालिका–८ सोनियाहीस्थित सीमा ईलाकाबाट सशस्त्र प्रहरीले सोमबार उक्त परिमाणको गाँजा बरामद गरेको हो । 

नेपालबाट भारततर्फ लैजाँदै गरेको उल्लेखित परिमाणको गाँजा सशस्त्र प्रहरी बल नेपाल नं. ४ गण सुनसरि मातहत बोर्डर आउट पोष्ट उल्टीले बरामद गरेको हो । 

गाँजा ल्याउने व्यक्तिहरु भने सशस्त्र प्रहरीलाई टाढैबाट देख्नासाथै गाँजा सोही ठाउँमा छाडी फरार भएका थिए ।